भन्द्यौन परमेश्वर

• छन्द कविता
• टिका मिलन

पैल्यै ध्वस्तभए अपूर्व रचना, केले बिगारी दियो ?
मात्रै घायल देश भो किन अहो ! कस्ले फटाईं गरो ?
आमा को किन, रक्त सिन्चिनु परो ? भोग्दै अझै पाप यो
गुण्डाको सहयोगमा जननीको, हुर्मत् कसोरी लियो ?
१
अत्याचार अहो ! कृतघ्न कसरी ? जन्म्यो जसै कोखमा
कस्को आड थियो ? कुकृत्य यसरी बढ्दै गयो लोभमा
साहारा कति छैन घायल अझै आमा थला पर्दछिन्
देऊ है ! बरु मृत्यु दण्ड सहुँला भन्दै पसारो परिन्
२
तम्सिन्छन् अपराध गर्न सहजै, आमा बलात्कारमा
गर्दैछन् सहयोग ती कपुत हुन्, तिन्को छ अन्धो पना
केले गर्भ सबै तुहेन ? भगवान् ! जन्म्यो जसै राक्षस
आमाको कुन गल्ती भो ? अझ यहाँ भन्द्यौन पर्मेश्वर !
३